inrabiâsi in|ra|bi|â|si [AF]
-
v.pron.intr.
jessi cjapât di une sensazion di contrarietât violente:
se le fasevin inrabiâ e butave vie dut ce che e veve tes mans e po e coreve sù in cjamare (Pieri Menis, Pascute);
"Co si trate di gjavâmi i passarats, e à gust che o i conti, e dopo che o ai contât dut e che no i ocor altri, o cjapi dal cjacaron trement! E jo alore mi inrabii, mi invelegni, mi susti, voi vie e no i doi nuie" (Vittorio Vittorello, A ogni cost)
Sin. imbissâsi , inliparîsi , inriçâsi , invelegnâsi , lâ in bestie , lâ in lipare , riçâsi , scjaldâsi , scoroçâsi , stiçâsi , velegnâsi , imbesteâsi , alterâsi , besteâsi , cjicâ , imbilâsi , ingrintâsi , scjaldâsi il fiât , spasimâsi , sustâsi , cjapâse , infotâsi2 , rabiâsi
Var. inrabeâsi
- cui che si inrabie al fâs mâl, cui che nol dîs nie al fâs piês
- inrabiâsi al è danâsi