cjicâ
cji|câ
[CO]
-
v.intr., v.tr.
mastiâ tabac:
"Ca, mo, lis cjichis dal papà!… E son lis ultimis!…" "Lis cjicarai a la sô salût!…" "E beveit parsore une tace di chel neri!…" (Arturo Feruglio, Lis cjichis dal papà);
vecjos muradôrs, bogns di plombâ i mûrs dai palaçs cu la spudacje di bago. (L'è par chel che a scugnivin simpri cjicâ) (Domenico Molfetta, Pari e fîs di une volte)
Cfr. tabacâ
-
v.intr.
vê une vore di rabie, di fastidi, di invidie o di altre sensazion negative:
la lôr braùre e travanave i mûrs. La Nene soredut. Chê e gjoldeve al dopli se cualchidun al cjicave pe lôr robe (Maria Forte, La tiere di Lansing);
"E jo se o fos tal Guviar o nomenarès Sindic il cont Prampar, se nol è altri par fâ cjicâ chei tâi che oressin simpri vê lis mans pardut e fâ alt e bas" (Guido Antonioli, Florean dal Palaç, I, 34)
Sin. bordâ2
, vogâ
Cfr. sclopâ
, mangjâsi il fiât