inclinâ
in|cli|nâ
[CO]
-
v.tr.
fâ che alc nol sedi a plomp:
un insiemi di spiei plans in alumini, di 20 a 50, montâts suntun sisteme di as e jevis che a inclinin i spiei (Redazion il Diari, Il soreli intun spieli)
Sin. meti in clin
Cfr. pleâ
, stuarzi
-
v.tr.
[BF]
fâ che cdn. al fasi alc, che al vedi un compuartament, une idee e v.i.:
Arcjan nol voleve someâ a un che si profite di une situazion favorevule (sul stamp di une biele cenute a lusôr di cjandele) par inclinâ la sô siore (Franco Marchetta, Il numar 1089)
-
v.intr.
[BF]
vê une inclinazion, une pendence:
ora chest cret, che da montagna abàs, / a man çanca inclinava inviars il flum, / Ercole distacà dai altris claps (Zuan Josef Busiç, La Eneide di Virgjili)
Sin. pendâ
-
v.intr.
[BF]
vê o jessi pront a vê une carateristiche, un compuartament, une idee e v.i.:
Lune plene, rabiose; / e che incline a sei flatose (Pieri Çorut, Il Strolic furlan par l'an 1835)
Sin. inclinâsi
, tirâ
, butâ
, pendâ
, tindi
-
v.tr.
[FÛ]
riverî cuntun inchin:
o vô, nestra grant regjina, / us preìn al vuestri front; / ancja il cîl a us inclina, / us adora dut il mont (Anonim, cit. in Luigi Gortani, Tradizioni popolari friulane)
