implantâsi
im|plan|tâ|si
[CO]
-
v.pron.intr.
jentrâ in profonditât, stant dret:
il baston sul moment al si implante e al devente un mani di pale (Catarine Percude, Il solt del Signôr)
Sin. plantâsi
, ficjâsi
-
v.pron.intr.
metisi fer e dret:
Jacum al vignive sù par une strade infangade cuntun cjar di fen, tirât dal so mus. La strade e jere une vore disastrade e la bestie a mieze rive si implantà (Angelo Covazzi, Un bon paron di Udin);
al è improponibil di invistî bêçs intun progjet che al riscje di implantâsi prime ancjemò di tacâ a lâ fûr (Serena Fogolini, Il teatri furlan nol fevele avonde ai canais)
Sin. plantâsi
, incugnâsi
, inclaudâsi
, impostâsi
-
v.pron.intr.
metisi dret e fer:
Rico a si implante devant di 'Sine a braçs in crôs (Anute Fabris, A passe la scalmane);
Loris, co a forin a pâr, si implantà devant dal trop des frutatis, al sburtà indaûr il scuficjo, e al disè dut dolç: - Buine sere, belessis! (Dino Virgili, La aghe da pît la cleve)
Sin. impalâsi
-
v.pron.intr.
metisi a stâ, a vivi o a fâ une ativitât tun puest o cun ciertis personis:
done Menie Durie e je stade une femine di coragjo, e fortunadis lis fameis indulà che a nassin o si implantin di cheste sorte di feminis (Catarine Percude, La mulinarie);
in timp de dominazion langobarde e dal ducât dal Friûl, popolazions sclavis (vindis) si implantarin ancje tal Cjanâl dal Fiar (Josef Marchet, Cuintristorie dal Friûl fin sot la Italie);
"Jo mi implanti di marangon in cjase" dissal Nart finît il garzonât là vie di mestri Cole (Dino Virgili, La division)
Cfr. insedâsi
, metisi
-
v.pron.intr.
vê un principi, tacâ a esisti, tacâ a lâ intune cierte maniere:
alore sì che si implantarès pardavêr une clime democratiche in Italie (Josef Marchet, La gnespule malmadure);
"Mi pâr che la facende si implanti ben, ma cuissà cemût che larà a finîle" (Pieri Somede dai Marcs, Cjase di fitâ)
Sin. nassi
, vignî sù
Proverbis:
- e va fin che e va e co no va si implante
