insedâsi
in|se|dâ|si
[CO, TS]
-
v.pron.intr.
agr.
di un voli o une menade taiâts vie di une plante, jessi metûts e cjapâ ben intor di une altre plante
Sin. incalmâsi
-
v.pron.intr.
di alc, tacâsi tune struture plui grande:
alì che [la orele] si insede tal cjâf (Meni Ucel, Neto)
-
v.pron.intr.
tacâ a jessi o a fâ cjapant di fonde cdn. o alc:
i menadôrs di vuê che si son insedâts su lis cjaradoriis di chei di prime (Pieri Somede dai Marcs, Un pugn di moscjis);
ancje Omêr al derive di une tradizion leterarie e si insede intune suaze culturâl che lu à gjenerât (Sandri Carrozzo, Pierluigi Visintin, Jentrade de Odissee)
-
v.pron.intr.
di cdn., ancje di une comunitât, metisi a vivi intun puest:
«No volevistu tornâ a insedâti achì [dopo jessi stât emigrant]?» (Mario De Apollonia, Il timp par ledrôs);
l'insedâsi a pleton dai Langobarts tor dal 568 (Gian Carlo Menis, Storie dal popul furlan)
Sin. impostâsi
, inlidrisâsi
, incjasâsi
-
v.pron.intr.
di alc, ancje imateriâl, tacâ a jessi tun puest, tun ambient:
cussì si insedà in cjase un vivi di altri stamp (Maria Forte, La tiere di Lansing)
