impostâsi
im|pos|tâ|si
[CO]
-
v.pron.intr.
metisi fer, fermâsi tun puest, soredut par polsâ o par spietâ cdn. o par fâ cun comoditât une azion:
come mâr borascjôs dut in tempieste / monte di une onde a la altre infuriât, / ingrampe i bastiments sovolte e peste / po ju bute a mismàs sence pietât: / cussì nô malmenâts da la grant plene / stentavin a impostâsi e respirâ (Toni Broili, I trucs furlans 1847);
in chel une cisile, / che da vot dîs bacile / par fabricâ sot la mê linde il nît, / si imposte su un pâl sec cun so marît (Pieri Çorut, Par lis gnocis Valùs-Ongjar)
Sin. postâsi
Var. impuestâsi
-
fermâ une azion che si è daûr a fâ:
«Jo stimi il vuestri coragjo, peçote di femenate, di mancjâ di rispiet a la Guardie nazionâl! … Ma no savêso in ce timps che sin cumò! [...]» E ca al si imposte par cjapâ un pôc di flât (Giovanni Gortani, Sot consei di vuere)
-
in particolâr in azions militârs o di cjace, fermâsi intun puest par presidiâlu o par fâ une vuaite
-
v.pron.intr.
metisi a vivi intun puest:
la nestre int e veve a pene scomençât a impostâsi in chescj Cjanâi, inmò dal dut salvadis (Renzo Balzan, Il cret di aur)
Sin. implantâsi
, insedâsi
, incjasâsi
