Dizionari de Lenghe Furlane

gratule  /grà-/  gra|tu|le  [CO, TS]

1. s.f. mob. mobil di cusine che si picje tal mûr, cun plans e astis orizontâls che a permetin di meti i plats un pôc inclinâts, di mût che no cjapin polvar o ancje dome che a parin bon:  al cjalave la panarie, lis gratulis cui plats lusints, i rams sù pal mûr (Dino Virgili, La aghe da pît la cleve); la cusine grande come une arie, cu la panarie e la vetrine, une gratule plene di plats a rosutis rossis e blu e une schirie di pagjelins e stagnadis di ram dulinvie parsore il seglâr (Pieri Menis, Agne Ursule)
2. s.f. [BF] (fig.) robe in brutis cundizions:  us dîs la veretât, se no ves cheste gratule di glesie, di viodi di jê, di tignîle cont, di scovâle, di smondeâle, di furnîle, no savarès ce fâ des mês zornadis (Josef Marchet, Lis predicjis dal muini)
   Sin. catan , tramai , scrassigne , tafanari

Polirematichis e espressions idiomatichis

• meti i dincj su la gratule loc.v.
• meti i dincj sù pe gratule loc.v.