fuesse
/-è-/
fue|sse
[AF]
-
s.f.
part ingjavade intal teren, naturâl o sgjavade:
lis plantis [di indivie] si metin leadis, une dongje di chê altre un pôc pleadis e si cuvierzin cu la tiere sgjavade par fâ la fuesse (Emilia Baldassarre, Ort e cusine)
Sin. buse
, cluche
, bûs
, çondar
-
s.f.
ingjâf fat tal teren ator di un arzin o di une muraie, tant che element di fortificazion par impedî al nemì di svicinâsi:
il cjiscjel al è stât simpri ben munît di mûrs, di toratis e di fuessis (Bepo Marion, Il cjiscjel di Vilalte)
Sin. fossâl
-
s.f.
condot par scolâ la aghe:
za fa cualchi mês / lavavin su la fuesse, / e cumò àn il titul di contesse (Pieri Çorut, Pronostic del 1834)
Sin. cunete
, canâl
, fossâl
-
poç o busate di scaric o par cierts materiâi:
dutis lis figuris porchis, sul stamp di siôr Agnul, e vignaran butadis, une a la volte, te fuesse dal ledan (Arturo Feruglio, I purcjinei)
-
s.f.
tombe:
a vevin serât la tomba e a erin zûts un a la volta. Dome Catina Sgrisula a si era fermada a semenâ recuies là par chê fuessi, intant che la zent a si dislontanava (Novella Cantarutti, "Inemorato io son di te")
Sin. foran
, buse
-
s.f.
[TS]
gjeogr., gjeol.
viertidure jenfri i crets o lis monts
-
zone li che il fonts dai oceans si sbasse jù a colp
Proverbis:
- cui che al fâs la fuesse pai altris al è il prin a lâ dentri