fredure
/-ù-/
fre|du|re
[BF]
-
s.f.
cundizion di frêt, di temperadure basse:
bisognôs di gaban par la fredura (Zuan Josef Busiç, La Gjeorgjica di Virgjili)
Sin. frêt
, criùre
-
s.f.
(fig.)
maniere di tratâ cence afiet:
e cence cheste base / laran di mâl in piês, / freduris e bruts estros / e dopo cualchi mês / tramontarà in premure / la lôr lune di mîl, / sucedaran lis pachis / a un tratament zentîl (Zaneto, Un bon rimiedi)
Cfr. fredece
-
s.f.
malstâ che al ven in reazion al fat di vê cjapât frêt, cun sierament di nâs, stranudadis e in cualchi câs mâl di cuel, tos o ancje fiere:
par lis doiis, bugnons e pontis, / panariçs, pidins, freduris, / [...] / la polente va benon (Toni Broili, Filipiche sgnocolose)
Sin. rafredôr
, sfredade
, disfredade
, costipazion
-
s.f.
(fig.)
robe di pocje impuartance, di nissun valôr:
"L'è un florin di fature", / dîs la sartore, "orès il paiament". / "Oh! nancje un bagatin par ste fredure / no intint di dâ", al respuint (Pieri Çorut, Antigaiis)
Sin. fufigne
, naine
, cagnere
-
s.f.
conte o osservazion anedotiche di nissun impegn, soredut par divertî in maniere paradossâl:
[...] al ere un bon diaulat, / pront al bacan, al scherç, a la fredure, / al scriveve poesiis dal dit al fat / sence pretesis di leterature (Josef Bertuç, Se une dì, par chê tâl combinazion)
Sin. fufigne