Dizionari de Lenghe Furlane

fiât  fi|ât  [AF]

1. s.m. [AF, TS] anat. orghin dal cuarp uman o dai animâi che al è te part alte dal adom a diestre che al metabolize gras, zucars e proteinis:  i traplants di cûr fin vuê a son stâts plui di 400; tal 2008, chei di fiât a son stâts 30 (Venusia Dominici, Ti vuei… donâ); i vignì une coliche di fiât che a scugnirin clamâ la comari (Roberto Ongaro, Cretevierte)
2. s.m. orghin di bestiis copadis tratât par mangjâlu:  fiât di cunin cuet cun gras e cevole e pestât fin (Emilia Baldassarre, Ort e cusine)
   Sin. fiadut , figadel
3. s.m. (fig.) mancjance di pôre, o ancje di rivuart:  a crodin in ce che a fasin, e no ur mancje cûr e fiât (Agnul di Spere, In viaç di domenie); metisi cuintri de autoritât, cuintri de leç, cuintri di Diu… al vûl ancje fiât, altri che… (Dino Virgili, La aghe da pît la cleve); varessiso il fiât di dismenteâ ce che no si confide nancje al amì plui cjâr o di fâ il cal ai berlis e al dolôr dal mont? (Antoni Beline, Sant Jacum, là che al finìs il mont)
   Sin. ardiment , baldance , buleç , coraç , impudence , muse rote , olse , pet , spirt , temeritât , cûr , coragjo

Polirematichis e espressions idiomatichis

• mâl dai doi fiâts loc.s.m.
• mâl di fiât loc.s.m.
• mangjâ une ale di fiât loc.v.
• mangjâsi il fiât loc.v.
• scjaldâ il fiât loc.v.
• scjaldâsi il fiât loc.v.
• sclopâ il fiât loc.
• sglonfâ il fiât loc.v.

Proverbis:

• ducj à la mare dongje dal fiât