pet
/-è-/
pet
[FO]
-
s.m.
part di denant dal cuarp tra il cuel e la panze:
tal mostrâ a un soldât cemût che si saltave un cavalet di fîl di fier spinât, al sbrissà e si sgrifignà fûr dut il pet (Roberto Ongaro, Il muc)
Sin. stomi
-
dute la part centrâl dal cuarp, cun esclusion di cjâf, braçs e gjambis:
un on, di statura bassa ma robust e dut neri e nût fûr che mieç pet e lis cuessis (Federigo Comelli, Il me paîs)
Sin. cuarp
-
s.m.
complès dai orghins inte casse dal stomi:
no i vûl masse par capî che il mâl che al sint nol ven di fûr ma al rive di dentri dal pet (Gianluca Franco, Cuant che l'Istât al finìs - Ogni etât la sô maravee)
Sin. stomi
-
(fig.)
sede dai sintiments, de emotivitât:
epûr mai une gloce di pietât / issude è di chel pet spietât, e dûr (Ermes di Colorêt, II, 179);
zurìn che il nestri afiet / al vivarà costant tel mestri pet (Pieri Çorut, La gnot di Avrîl su la coline di Buri)
-
s.m.
sen de femine:
Dorine […] e platà a la miôr il pet nût e, tignint il cjâf su la sô creature che si jere indurmidide cuiete, e disè ancjemò: «Vada via…» (Pieri Menis, Chei di Muraie);
il maçarot al torne chel che al jere e se gjolt a tocjâi i pets ae fantate (Sandri Carrozzo, Friûl di Magance)
-
s.m.
tai di cjar gjavât dal pet di un animâl:
fâ a daduts un pet di poleç e passâju te farine (Margherita Timeus, Cusine etniche, parinte strete de cusine furlane)
-
s.m.
ognidun dai doi tocs che un vistît si vierç al dret dal pet:
nol fevelave mai di chês robis [di vuere], nol jere om di tignîsi in bon […]. Ma il pet de sô camisole di soldât al fevelave avonde par lui (Pieri Menis, Sul agâr)
Polirematichis e espressions idiomatichis
Proverbis:
- o di schene o di pet, o vin ducj il nestri difiet
