Dizionari de Lenghe Furlane

coragjo  /-à-/  co|ra|gjo  [FO]

1. s.m. fuarce morâl che e permet di frontâ pericui e situazions contrariis vincint la pôre:  in non di Diu, cumò, ancje il Spiritussant che al veve siet dons, in Friûl a 'nd à un sôl: chel dal Coragjo. E alore mi capîs ce che o vuei dîus cumò: cheste robe no vâl dome pes autoritâts civîls, ma e vâl ancje par chês gleseastichis: se a no àn coragjo, che a vadin a confessâsi! Chi al covente il coragjo. A àn di dânus l'esempli, a àn di sielzi tra servî un popul che forsit ur domande di vê il coragjo di dî di no a cualchidun, e no sielzilu, e alore no reste che une robe: chê di ricognossi di no servî la puare int (Francesc Placerean, Di ducj i dons dal Spiritussant, cumò al covente il don dal coragjo)
   Sin. cûr , ardiment , amit² , fiât
   Var. curagjo , coraç , curagji , coragji
2. inter. espression doprade par sburtâ cdn., par sostignîlu, consolâlu e v.i.:  «Cjol une tace di vin… sù, coragjo…» e, cussì disint, Milie e veve vierte une butilie di chês vecjis (Pieri Menis, Si disarès che e je inventade); a si trata di cambiâ paron, ma il nustri toc di pan e formadi, cul taiut di neri, lu varìn sempri, coragju, Zuan (Pier Paolo Pasolini, I Turcs tal Friûl)
   Sin. sù , dai¹ , sù mo , dai mo , sù po , dai po

Polirematichis e espressions idiomatichis

• armâsi di coragjo loc.v.
• dâsi coragjo loc.v.
• pierdisi di coragjo loc.v.