fantaçut /-ùt/ fan|ta|çut [AF]
-
s.m.
fantat piçul di cuarp o di etât, o ancje dome fantat in sens afetîf:
fantaçuts di dôs classis primis e di une tierce [medie] (Laurin Zuan Nardin, Contis gustosis e progjets pal avignî dai fruts di Listize);
in chel an o soi lât ancje jo, fantaçut di 15 o 16 agns, a viodi lis corsis dai cjavai (Pieri Menis, Une letare par Bepo)
Sin. canai , frut1 , frutat , mamul , mûl , mulet1 , mulut , puem , polzet , zovenin , zovenut , fantacin
Cfr. soranel