fâ vignî i sgrisui
[CO]
-
loc.v.
fâ une sensazion di frêt che e fâs tremâ la piel e dreçâ i pêi:
o gjoldevin di mats: sclipignâsi un cul altri a pene jentrâts ta la aghe par fâ vignî i sgrisui, viodi cui che al rivave prin là jù da pît, a ret dal arbul grant, provâ cui che al resisteve di plui cuintri la corentie o cul cjâf sot aghe (Lucio Perès, Tal Cuar)
-
loc.v.
fâ vignî une vore di pôre o di impression o di preocupazion o di emozion:
Par lis malatiis seriis al jere l'ospedâl, che nol costave nuie, graciant Idiu, ma a pene un tic miôr, lu varessin spedît a cjase. Ce varessial fat alore, di bessôl e cence un carantan? Chei pinsîrs i fasevin vignî i sgrisui (Carlo Sgorlon, Prime di sere);
da Udin insù il Friûl nol à paîs che nol sei calât di numar: cualchi paîs ancje dal 50% e plui. Al è un cantin che al fâs vignî i sgrisui (Francesc Placerean, Cuintristorie dal Friûl dal 1866 fint in dì di vuê);
in ogni puest che al va al fâs vignî i sgrisui a carabinîrs e poliziots, jessint tal mieç di ogni batibui e proteste (Donato Toffoli, Lidrîs pal pinsîr autonomist)
Sin. fâ sgrisulâ
, fâ vignî il pêl dret
, fâ vignî ogni pêl un pan pe vite
, fâ vignî ogni pêl un pan
, fâ vignî i cjavei blancs
, fâ dreçâ i cjavei sul cjâf
, fâ vignî i cjavei drets
Components: