Dizionari de Lenghe Furlane

fâ l'amôr    [AF]

1. loc.v. viodisi e passâ timp insiemi par inviâ un rapuart sintimentâl o jessi intun rapuart sintimentâl tant che morôs:  "[…] chel zovin al ven di Napoli, sâstu, al è studiât, al à une paie buine, Catine i starès, ma lui al pâr che al stei daûr a Mariute, la fie di Menie, chê che e fâs l'amôr cun Gjovanin, il zovin di buteghe!" (Pieri Somede dai Marcs, La buteghe dal barbîr); Agne Sofie di frutate e faseve l'amôr cun Davide Cjapon (Pieri Menis, Sot il puarti)
   Sin. morosâ
2. loc.v. (fig.) volê, desiderâ, cirî di vê o di otignî:  un mulinâr che di un pieç al faseve l'amôr a di chel mulin (Catarine Percude, La mulinarie)
   Sin. lutâ
   
   1. cjatâ la maniere di fâ buinis relazions, bogns afârs e v.i.:  rivâts chenti i «mucs», daûr di chê paradane e jere ancjemò avonde robe par fâ l'amôr cui todescs, cui republichins, cui cosacs e ancje cui partigjans (Pieri Menis, Il «comandatôr»)
      Sin. intindisi , cumbinâ
3. loc.v. vê un rapuart sessuâl:  vie pe gnot o foi dismot di Mafalde che mi cjareçave, par tornâ a fâ l'amôr (Carlo Sgorlon, Il dolfin); al bussave la femine pardut e dopo al faseve l'amôr come un mat (Gianni Gregoricchio, Îr e doman)

Components:

• amôr s.m.
• fâ v.tr., s.m., v.intr.