Dizionari de Lenghe Furlane

fâ front    [CO]

1. loc.v. fâ une azion di contrast o di difese cuintri dal nemì:  i Turcs a no stan ducju insiemit, ma che a si dividaran in tancju scjaps, cui ca cui là, par ducju i paîs. Forsi manipui di sincuanta, sent omis, e alora a si pos fâighi front… (Pier Paolo Pasolini, I Turcs tal Friûl); cence disponi la resistence tai lûcs strategjics no si sarès podût fâ front a une ofensive dai todescs (Giovanni Pillinini, Zuan Batiste Cavedalis - Une vite esemplâr)
   Sin. frontâ , contrastâ , fâ cuintri , tignî front
2. loc.v. compuartâsi in mût di mantignî une stabilitât o di otignî un risultât denant di un fat, di un element, de azion di cdn. e v.i.:  no àn podût fâ front ai debits e aes disgraciis a àn scugnût mangjâ sù dut (Riedo Pup, La bolete dal forment); a planc a planc si sintive plui calme e lis dificoltâts, che i vevin someât tant grandis une ore prin, cumò i pareve di podêur fâ front (Jolanda Mazzon, Di là de rêt)
   Sin. frontâ
   Cfr. parâsi

Components:

• fâ v.tr., s.m., v.intr.
• front s.m., s.f.