front1
/-ò-/
front
[FO]
-
s.m., s.f.
linie di contat di doi esercits in vuere:
ai ultins di Otubar dal 1917, i mucs a Cjaurêt a àn rote la linie dal front, al diluviave che e someave gnot eterne (Alan Brusini, Come tai romançs);
la front taliane e à doprade la decimazion ancjemò plui che no i francês (Francesc Placerean, Cuintristorie dal Friûl dal 1866 fint in dì di vuê);
ed eco da lontan / marcje il barbar esercit in distance / grant front distint sul plan (Ermes di Colorêt, I, 109)
-
zone di vuere:
ancje lui al jentrà te vuere, prin su lis nestris monts po sul front de Grecie (Maria Forte, Cjase di Dalban);
cussì e nassè la front de Libie par la Italie e la vuere sul mâr (Francesc Placerean, Cuintristorie dal Friûl dal 1866 fint in dì di vuê)
-
s.m.
(fig.)
setôr di un cjamp di azion:
meti adun lis fuarcis e sburtâ su fronts diferents chel che si prodûs intal mont culturâl furlan (Max Mauro, Un Friûl difarent: i 90 mhz di Onde Furlane)
-
s.m.
coalizion di plui partîts o fuarcis sociâls par fâ cuintri a di un nemì comun:
il guvier dal Front Popolâr [francês] al à tassât i parons di vore che a cjolevin sù i imigrâts (Matteo Ermacora, La emigrazion furlane in France 1820-1970);
Augustin di Colorêt […] membri di une des fameis plui impuartantis dal front strumîr (Carli Pup, Il Friûl de Joibe Grasse dal 1511)
-
s.m.
[TS]
meteor.
linie di intersezion de superficie de Tiere cu la superficie che e divît massis di aiar di carateristichis diferentis:
cuant che il front frêt al à cjapât l'aiar dal setôr cjalt al ven sburtât sù adalt in cuote (Stefano Micheletti, Marcellino Salvador, Notis di meteorologjie pal Friûl - Vignesie Julie)
Sin. superficie frontâl
-
s.f., s.m.
[BF]
viôt cerneli
:
lant a cjase, e alce il cjâf e i cole une stele in front e la fâs deventà inmò plui biele (Popolâr - Andreina Nicoloso Ciceri, La fie e la fiastre - Racconti popolari friulani I);
il puor che al fâs furtuna cul sudôr de la propria front (Federigo Comelli, Il me paîs);
[il cjan] su la schene, sul front l'è tacolât / del colôr di cafè; l'à code gruesse (Pieri Çorut, Il mio cjan);
se in cîl las cul ocjâl cercjant lis stelis, / se intal to front int pues vedê dôs bielis, / che al no vedè dôs tâls il Galileo (Ermes di Colorêt, I, 136)
-
s.m., s.f.
[BF]
la parêt difûr primarie di un lûc indulà che par solit si cjate la jentrade principâl:
une cjase che e à une biele front (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. bande
, façade
Polirematichis e espressions idiomatichis
