a front di
[CO]
-
loc.prep.
in posizion frontâl, juste denant di:
la puarte dal spacecusine che devi sei viodude dal public. Su le parêt a front de spacecusine un balcon (Bruno Paolo Pellarini, L'anel striât)
Sin. di front a
, di front di
, in face a
, in face di
, di front
, denant
, denant di
, devant
, devant di
, in face
-
in presince di:
si sintive in conturbie afrontdi lui, ancje par vie che, pûr jessint fin e creançôs, le cjalave cun doi voi che i fasevin vignî i sgrisui pe schene (Roberto Ongaro, Il muc)
-
loc.prep.
intune relazion di confront, di paragon cun:
la mê autoritât, a front di chê dal Savorgnan, no conte nuie par chê int alì (Alviero Negro, Strumîrs e Çambarlans);
un avignî dal dut diferent a front dal presint (Carlo Sgorlon, Ombris tal infinît)
Sin. denant di
, a pet di
, rispiet a
, denant
, devant di
, devant
-
loc.prep.
par introdusi un complement di argoment o di limitazion:
lui al sintive lis sôs mancjancis a front di putrops argoments che jê e tratave cun paronance e cognossince (Roberto Ongaro, Cretevierte)
Sin. cun riferiment a
, in rivuart a
, in rivuart di
, su
, par
, in cont di
, sul cont di
, a rivuart di
, rivuart a
, in fat di
, rispiet a
, a proposit di
, in proposit di
-
loc.prep.
considerant lis carateristichis, i efiets, lis consecuencis di alc o di cdn., cun sens di causalitât o ancje cun sens di oposizion o concession:
passience, a front del discapit di sachete anuâl, par pûr divertiment continuarai la imprese (Toni Broili, I trucs furlans. Ombre di lunari par l'an 1851);
il guvier di Madrid al à cressût la repression: a front di chest compuartament "Eta" e à inviât une campagne che i à fat pierdi une part dai consens che e gjoldeve tra i bascs par vie che e colpive simpri di plui esponents de societât civîl basche (Carli Pup, La lote di Euskal Herria)
Sin. in considerazion di
Cfr. a pet di
, rispiet a
, par vie di
, par
, denant
, devant
, devant di
, denant di
Components: