Dizionari de Lenghe Furlane

fâ fente    [AF]

1. loc.v. compuartâsi in maniere divierse di ce che e corispuint ae veretât, ae realtât, fâ someâ che la veretât e sedi divierse di chê che e je:  "Jo no sai nuie." "E fâs fente di no savê; ma invezi e à capît che al è za un pieç che jo…" (Bruno Paolo Pellarini, Amôr in canoniche); l'avocat! Al fasarà fente di dâmi reson a mi e invezi si metarà dacordo cui Kos, par fâju vinci lôr… (Jolanda Mazzon, Di là de rêt)
   Sin. fenzi , fâ , dâ a diviodi , dâ di intindi
2. loc.v. figurâsi une realtât imagjinarie o ipotetiche:  "Fasìn fente che cualchi persone impuartante e vegni a gustâ ca di nô" i diseve a sô fie. "E cui, par mût di dî? " "Ce impuartial? Metìn la Francese. O pûr l'Ambassadôr dal Iran in Italie…" (Carlo Sgorlon, Ombris tal infinît)
   Sin. imagjinâsi , figurâsi
   Cfr. meti , suponi , prossumâ

Components:

• fâ v.tr., s.m., v.intr.
• fente s.f.