disturbâ
dis|tur|bâ
[AF]
-
v.tr.
dâ fastidi, no lassâ fâ alc o stâ intune cierte cundizion cun comoditât:
"[…] ce isal che ti disturbe? Parcè cjalistu dut a ledrôs? Anìn vie, spude il marum e contimi i grîs che ti passin pal cjâf" (Catarine Percude, Lis âfs);
si vistive cidin cidin par no disturbâ chei che a durmivin e no fâju blestemâ (Pieri Menis, Il burlaç);
la filosofie militâr di Cavedalis e jere cheste: pontâ su la difese, spietâ che a intervignissin i aleâts romans e napoletans e intant disturbâ il nemì cun cualchi azion ofensive (Giovanni Pillinini, Zuan Batiste Cavedalis - Une vite esemplâr)
Cfr. cancarâ
, lambicâ
, inderedâ
, imberdeâ
, ingredeâ
, molestâ
, rompi
, secjâ
, stufâ
, incomodâ
, discomodâ
-
obleâ a impegnâsi in alc, soredut in alc che al è di soreplui o di diviers rispiet ae ativitât normâl:
e po farin un puint sul Nadison / par podê lâ a mulin cuant che nus pâr / sence disturbâ i mus ne il mulinâr (Pieri Çorut, Une gnove citât in Friûl)
-
ancje in frasis di cortesie par domandâ un permès o par dâlu, par rimarcâ che la presince di cdn. no da nissun fastidi:
"Siôr sì, vorès fevelâi, se no lu disturbi a chestis oris." […] "No tu mi disturbis nuie, soi cun te: sintiti e fevele." (Bruno Paolo Pellarini, Amôr in canoniche);
a pene jentrât lui, a vevin tasût a colp. «Ma jo o disturbi» dissal Eliseo. «Nancje par insium. Vignît indenant» dissal l'om di Jolande, che al fo l'unic a saludâlu cuntun fregul di buine ciere (Carlo Sgorlon, Prime di sere)
-
v.tr.
causâ une interference tes telecomunicazions