Dizionari de Lenghe Furlane

distrazion  /-òn/  dis|tra|zi|on  [AF]

1. s.f. mancjance di atenzion o di concentrazion:  sedi distrazion, sedi strachetât, sedi destin, no si pierdial lui, che nol saveve di ce bande lâ (Josef Cjargnel, La fogolade dal bosc)
   Sin. disatenzion , straviament , svagament
   
   1. element che al fâs pierdi la atenzion, la concentrazion, che al fâs pensâ a alc altri:  mi vignivin mil tentazions […]. O ai preât, o ai cirût dutis lis distrazions pussibilis (Antoni Beline, La fabriche dai predis)
2. s.f. fal fat par mancjance di atenzion:  pecjât nome di une piçule distrazion: invezit di tratâ, firmâ e paiâ in segret, cheste volte a àn lassât spampanâ dute la robe al public (Riedo Pup, Tal non di Raffaella afârs e guviars)
   Sin. becanele , becanot , disatenzion , dismenteance , erôr , fal¹ , falope , mancjance , negligjence , smuç , strambolot , svari , sviste , trascurance
3. s.f. ocasion di divertiment:  ogni tant la zoventût, che no vevin distrazions di sorte, a baluçavin tune cjase o in chê altre (Antoni Beline, Pre Pitin)
   Sin. divertiment , passetimp , ricreazion , ricrei , sbaldiment , svagament , svariade
4. s.f. [TS] amin. il doprâ bêçs par un fin diferent di chel proviodût:  a son in aument i reâts di distrazion (Leandro Fornasier, Sclesis - Friuli nel Mondo, 38, 416)
   Sin. straviament
   
   1. destinazion no lecite di un ben par un fin diferent di chel fissât di bande de aministrazion publiche
5. s.f. [TS] med. lesion determinade dal sbregâsi di fibris muscolârs