Dizionari de Lenghe Furlane

discuviert  dis|cu|viert  [CO]

1. p.pass., adi. viôt discuvierzi , viôt discuvierzisi
   Var. discuiert
2. adi. (ancje fig.) no cuviert, cence cuvierture, rivistiment, tapon o ripâr:  une di chês casselis che i fornasîrs a metevin jù te tiere, fin avuâl dal tapon, par tignî in fresc il formadi de setemane, e jere discuvierte (Pieri Menis, Il burlaç); e jere une machine di colôr ros e discuviarte, di proprietât di siôr Landi di Vile Visentine (Vico Bressan, Cîl e aghe)
   Sin. viert , scuviert , distaponât
3. adi. di persone o part dal cuarp, che nol è cuviert dai vistîts:  e tirà i pics dal façolet che, colant par tiere, al lassà il so cjavut discuviert (Roberto Ongaro, Il muc)
   Sin. crot² , nût , scuviert
4. adi. che nol è platât, che si pues viodi
   Sin. pandût , viert , palês , evident , clâr , scuviert
5. s.m. lûc no cuviert, no riparât, no sierât o cence difese
   Sin. viert , scuviert
6. adi. [TS] bancj. cence garanzie finanziarie
   Sin. scuviert
   
   1. di cdn., cence la pussibilitât di saldâ un debit o di incassâ un credit
   2. s.m. sume, debit o sim. cence garanzie finanziarie

Proverbis:

• trê robis a fasin scjampâ la int di cjase: il fum, la triste muîr e la cjase discuvierte
• trê robis a fasin scjampâ la int di cjase: la cusine fumose, la femine rabiose e la cjase discuvierte