Dizionari de Lenghe Furlane

scuviert  scu|viert  [AF]

1. p.pass., adi. viôt scuvierzi , viôt scuvierzisi
   Var. scuiert
2. adi. (ancje fig.) no cuviert, cence cuvierture, rivistiment, tapon o ripâr:  stanziis piçulis, bassis, cui trâfs scuvierts cence sofitâ (Pieri Menis, Chei di Muraie); mi somee di vê cjapât une scosse dal fîl scuviert (Checo Tam, Sense); teren scuviert
   Sin. viert , discuviert , distaponât
3. adi. di persone o part dal cuarp, che nol è cuviert dai vistîts:  lis formis femininis, cuntune spale e un pet scuvierts (Adrian Cescje, Viaç aes origjins dal Logos); stâ difûr tal soreli une ore in dì, cun mans, braçs e muse scuvierts, al baste par sei sigûrs di produsi la vitamine D che e covente (Guglielmo Pitzalis, Ocjo ai vues!)
   Sin. crot² , nût , discuviert
4. adi. che nol è platât, che si pues viodi:  in lui, i sintiments a jerin simpri masse scuvierts e par chel simpri in pericul (Maria Forte, Cjase di Dalban)
   Sin. pandût , viert , palês , evident , clâr
5. s.m. lûc no cuviert, no riparât, no sierât o cence difese:  ducj fûr de trincee, tal scuviert, sot dai colps dai austriacs (Edoardo Rosa, Cuintrierois par une cuintristorie ancjemò di scrivi e di contâ)
   Sin. viert , discuviert
6. adi. [TS] bancj. cence garanzie finanziarie
   
   1. di cdn., cence la pussibilitât di saldâ un debit o di incassâ un credit
   2. s.m. sume, debit o sim. cence garanzie finanziarie:  cun finanziament in cont curint si intint la concession de bande de bancje dal scuviert dal cont curint - il fido - daûr des dibisugnis che volte par volte si fasin indenant (Redazion Radio Onde Furlane, BCC - Mutuis e finanziaments)

Polirematichis e espressions idiomatichis

• a cjartis scuviertis loc.av.
• meti al scuviert loc.v.

Proverbis:

• la falsetât e à il tabâr curt, par tant che e ciri di taponâsi, i reste simpri cualchi part scuvierte