definîsi
de|fi|nî|si
[AF]
-
v.pron.intr.
dâ une definizion, une descrizion, une identificazion di se stes:
in Svuizare "La Patrie dal Friûl" e ve il so prin numar al 1 di Avost dal 1973; si definì "Sfuei dai Furlans de Suizare" (Agnul di Spere, Une vôs in Svuizare);
la citât di Udin […] tal so statût si definìs capitâl dal Friûl storic (Sergio Cecotti, La Regjon che e covente pal Friûl)
Sin. batiâsi
, clamâsi
, cualificâsi
, declarâsi
, palesâsi
, pandisi
, dîsi
-
v.pron.intr.
vê une cierte manifestazion, cjapâ une cierte forme:
la cunvinte opzion antiaustriache di Pellis, che in lui si definìs cun acents crûts, par no dî volgârs (Ana Piorar, La Mitteleurope di Pellis)
Sin. cjapâ forme
, dimostrâsi
, mostrâsi
, palesâsi
, pandisi
, intaiâsi
-
cjapâ une forme definitive:
cun Popon (1019-1042) la cuistion si definìs, parcè che dal 1027 l'Imperadôr Conrât II al declarà che i paîs, i cjistiei, i terens, e lis personis che a jerin sot dal Patriarcje no dipendevin in nissune maniere ne da Conts, ne da Marchês ne da funzionaris imperiâi (Josef Marchet, Cuintristorie dal Friûl fin sot la Italie)
Sin. clarîsi
, sclarîsi
