Dizionari de Lenghe Furlane

cruchie  /-ù-/  cru|chi|e  [CO]

1. s.f. baston cuntune estremitât imbotide di forme che si pues poiâ sot di un braç, par judâsi a cjaminâ cuant che si à mâl tune gjambe o tun pît o se si è çuets:  al curiosave fra i ex voto picjâts sù pal mûr di un altâr, cruchiis, gjambis e braçs di len, cûrs di arint, cuadruts piturâts a vueli (Pieri Menis, Ta la ombre dal santuari); lis blestemis plui neris lis diseve il Çuet, che al lave ator cuntune cruchie e al si poiave sù pai antîi des puartis (Lelo Cjanton, Il Friûl di Toni)
   Sin. croçule
2. s.f. [CO, TS] venat. baston cuntune estremitât plui gruesse, li che si poie il çus che al covente par riclamâ lis lodulis:  pleant un cininin il cjâf come il çus su la cruchie (Quintino Ronchi, L'Amôr nol ven mai vieli); ma finalmentri une si sbasse… e zuee… / il çus, dret su la cruchie, eco, i cimie (Nino Sormani, A odulis in buse)
   Sin. croçule , cruchigne
   
   1. estremitât gruesse di chel baston
   2. baston de stesse sorte, ma par uciei di cualsisei sorte, no dome par riclam di lodulis
3. s.f. (scherç.) cjâf:  sbassâ la cruchie (Gino Ponton, Par vivi…)
   Sin. cruchigne , cjâf , capadocie , cavoce , coce , crepe¹ , cucugje , melonarie , melone , capidorie , burele
4. s.f. bote tal cjâf
   Sin. cruc² , clup , crup¹ , cluc²
5. s.f. agr. mantie dal falcet pe man drete
   Sin. cruchigne
   
   1. (or.) mantie di puarte o di barcon:  Agnul l’à sbassât la cruchia cun man lizera, cucant drenti a planc a planc (Celso Macôr, L'onorevul)
      Sin. mantie , cluche¹