crepe1
/crè-/
cre|pe
[AF]
-
s.f.
complès dai vues dal cjâf dal om e dai vertebrâts:
za agns lavorant in chel sît a cjatarin une spade rusine, une crepe e uns cuatri vues di cristian che a pene vidût soreli e si sfrantumarin come paie brusade (Catarine Percude, Il cjan blanc di Alturis)
-
figure o riproduzion di chel complès di vues:
[i gotic punks] a àn i cjavei luncs come i hippies e a àn maiutis plenis di crepis di muarts e logos incomprensibii (Checo Tam, La maree nere)
-
coce intaiade e iluminade che si fâs par tradizion pe gnot dai muarts:
in cheste gnot, e je tradizion di sgjavâ lis cocis e di sculpîlis come se a fossin lis crepis dai muarts (propit par chest a son clamadis crepis o ancje musons) (Sandri Carrozzo, Friûl di Magance)
Sin. coce
, muson
-
s.f.
cjâf:
chei che no stavin fers o che no savevin pêl, molave crocs te crepe e pugns jù pe schene di dispadolâju (Antoni Beline, Pre Pitin);
[siôr Dori] al à la crepe / dute spelade, / colôr rauç, / e semenade / di bruschinuts (Carlo Rossi, La moscje)
Sin. coce
, cjâf
, çucje
-
(fig.)
capacitât inteletive, pinsîr, memorie e v.i.:
cjacaris che a servissin a sglonfâ la crepe dai minus habentes e il tacuin dai nimium habentes (Josef Marchet, La torce de civiltât);
o ai assistût a un câs che mi restarà te crepe e tal cûr fintremai che o tirarai flât (Antoni Beline, La globalizazion de sensibilitât)
Sin. coce
, cerviel
, cjâf
, çucje
-
s.f.
dint mieç rot:
e su lis gramulis / e scampanotin / trê cuatri crepis / di masselârs, (Zaneto, Il gno ritrat)
Proverbis:
- bisugne stâ cui voi te crepe
- ducj i studis no stan intune crepe
- il pedrât dal infier al è fat cu lis crepis di fornârs, mulinârs e ostîrs