condot2
/-òt/
con|dot
[CO]
-
s.m.
struture naturâl o artificiâl, sierade o vincolade li che al passe un flus:
aghe contaminade che si cjatave tai fabricâts dai reatôrs e des turbinis, racuelte tai condensadôrs e tes fuessis e condots dai fîi e des tubazions (Alessandro Pascolini, Il disastri de centrâl nucleâr di Fukushima Dai-ichi)
Sin. condote2
Cfr. bocan
, canâl
, vâs
, cane
, canul2
, canule
, condote2
, scoladôr
, tubazion
, tubi
-
s.m.
implant igjienic li che si fasin i bisugns e stanzie li che al è chel implant:
[il curtîl] dut contornât ator ator di cjasis une su la altre, stalis, cjôts, condots e ledanârs (Ivano Urli, Il mus di Ustin);
a fin setemana a si faseva la doça. Davour la scuela, dongja i condots a vevin fat una armadura cun cuatri pâi e dôs brees, poada su una brenta (Elda Mizzaro, La colonia elioterapica)
Sin. cagadôr
, cjiadôr
, comut
-
materie gjavade dal poç o de cistierne sot di chel implant e che si dopre par ingrassâ i cjamps:
spandi il condot (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
-
(fig.)
robe sporcje, brute, di nissun valôr, negative:
o ai une vore agrât che a mi vebi fat svolâ adalt, che a mi vebi impiât tai vues la brame di lavorâ par che il mont nol sei dut un condot (Pieri Piçul, Vieri e gnûf)