vâs
vâs
[AF]
-
s.m.
contignidôr, in gjenar di crep o di veri, o ancje di altri materiâl:
e veve tacât a remenâ il vâs dal zucar e la cogume sul spoler (Nadia Pauluzzo, Il bintar);
e tirave sù dal vâs sedonadis di marmelade penze di meti su lis fetis di pan blanc (Gianni Gregoricchio, Îr e doman)
-
robe che e sta in chel contignidôr:
«O ai di fâ cualchi vâs di conserve par chest Invier. Ti 'nd darai un vasut…» (Meni Ucel, Mangjativis)
-
s.m.
contignidôr, in gjenar di crep, o di altris materiâi, par tignî plantis o rosis:
lis statuis di piere dal zardin, i arcs e i pilastris des barcjessis, il grant puarton di fier, i vâs di crep cun plantis forestis (Carlo Sgorlon, Ombris tal infinît)
-
complès di chel contignidôr e de tiere e de plante che al à:
il carateristic fogolâr furlan, sul font dal fogolâr doi balcons cun cualchi vâs di basili (Bruno Paolo Pellarini, L'anel striât)
-
s.m.
contignidôr, in gjenar di forme elegante o decorât, che si ten di bielece, vueit o cun dentri aghe e rosis taiadis:
i predis, cun voaltris [siôrs], siôr plevan che al perdoni, no van tant par sutîl … Ur baste che o paiedis il banc in glesie, che o sedis i prins a lis messis, in regule cul cuartês, cui fruts a dutrine, cu lis feminis a jemplâur di rosis i vâs sul altâr… (Alviero Negro, Int di masnade)
-
s.m.
contignidôr par fâ dentri i bisugns:
al ordene ae malade di fâ dut tal urinâl, che al sarès tornât lui. Difati tal indoman lui al torne e la malade i puarte il vâs plen (Popolâr - Andreina Nicoloso Ciceri, Miedi e famei - Racconti popolari friulani I)
Sin. pitêr
, urinâl
, vâs di gnot
, bocâl
, cantar
-
s.m.
[CO, TS]
anat.
condot anatomic, soredut dal sisteme circolatori:
la mancjance di lusôr a fâs che la piel, i vâs, i vissars no esercitin lis lôr funzions (Giuseppe Ferdinando del Torre, Il contadinel. Lunari par l'an 1865)
Polirematichis e espressions idiomatichis
