Dizionari de Lenghe Furlane

cidinâ  ci|di|nâ  [CO]

1. v.tr. fâ tasê:  un murmuiâ si jeve de taule, ma Min ju cidine ducj cuntune alçade di man (Raffaele Serafini, Contis sot spirt); un dêt su la bocje par cidinâ la compagnie (Carlo Tolazzi, La salamandrie tal fûc)
   Sin. cedâ
   
   1. (estens.) no fâ fâ plui un sunsûr:  i sunadôrs spaurîts e cidinarin i violins (Catarine Percude, L'ucielut de Mont Cjanine)
2. v.tr. fâ che un ricuart, un pinsîr, une sensazion, une emozion, un sintiment e v.i. al sedi mancul fuart o al sparissi:  il pinsîr i masanave dentri, e nol rivave adore a cidinâlu ni intant che al cenave ni tal jet (Carlo Sgorlon, Prime di sere); tal an da la fan granda, cuant che la zent a mosteava erba e a supava la scussa dai lens par cidinâ la brama (Novella Cantarutti, I voi di Miriscja)
   Sin. morestâ , placâ¹ , slizerî , mugnestrâ , studâ , cuietâ , calmâ¹ , bonâ , distudâ