cerçâ
cer|çâ
[AF]
-
v.tr.
provâ alc di mangjâ o di bevi par sintî se al è bon:
"Che e cerci ce bon abocât che al à chest tocai di trê agns", le invidà il vecjo (Maria Forte, Cjase di Dalban);
al da un colp al grop dal cuel de butilie che al salte vie come une cocule… Al nase… Ah, ce profum! … Al cerce… rosoli, tant che rosoli! (Pieri Menis, Doi pizighets e un lari);
al cerçave simpri i miluçs e al cirive chei plui piçui (Angelo Covazzi, I miluçs);
"Che al cerci cheste scuete!" (Roberto Ongaro, Cretevierte)
Sin. provâ
Var. cercjâ
Cfr. sintî
-
v.tr.
(ancje ass.)
mangjâ une vore pôc:
il vieli al cerçà un dôs bocjadis e po al sburtà indentri de taule la scudiele e si metè cui comedons sul ôr e il cjâf tes mans (Dino Virgili, La aghe da pît la cleve);
e veve a pene cerçadis lis pitancis e glotût cuintri stomi une gote di vin (Pieri Menis, Chei di Muraie)
Sin. becolâ
, cepelâ
, crustignâ
, crustulâ
, mangjuçâ
, sbocognâ
, sgnicâ
, spicigulâ
-
v.tr.
(fig.)
cirî di cognossi, di capî, di indagâ:
chê femine nissun le cognosseve e li si palesave di nature fuarte e combative, buine di cerçâ la int come un che al prove a muardi cui dincj la monede di arint par viodi se e je mate (Alan Brusini, Come tai romançs);
l'assessôr al à volût cerçâ la disponibilitât di chestis personis par formâ la Comission (Adrian Cescje, Memoriis di politiche linguistiche)
Sin. esaminâ
, indagâ
, tastâ
, provâ
, provinâ
-
v.tr.
(fig.)
fâ une esperience, capî une situazion e v.i.:
[tal 1848] Udin, dopo cerçât un fregul di bombardament, al veve capît che la vuere no je un zughet e al veve molât (Josef Marchet, Cuintristorie dal Friûl fin sot la Italie);
ducj i doi fîs di puars contadins, a vevin cerçade a la stesse maniere la miserie e la fam (Franca Mainardis, Aiar di cjase)
Sin. provâ
Proverbis:
- cuant che la purcite e à cerçât la fave o splantâ la fave o maçâ la purcite
- cul cerçâ no si romp il dizun
- dal taiepiere no stâ cjalâ, in farie no stâ tocjâ, in speziarie no stâ cerçâ