becolâ
be|co|lâ
[CO]
-
v.tr.
(ancje ass.)
becâ ator plui voltis:
un dordel al becolave intun sterp di cerniculis la pomule che je la sô passion (Enrico Fruch, Il dordel);
lis gjalinis che si rondolavin tal pulvin o i ôcs che a becolavin la jerbe des cunetis (Pieri Menis, Marum);
[i passars] a rivarin jù svelts, si butarin di buride a becolâ i fruçons (Jolanda Mazzon, Cungjò Friûl)
Sin. becotâ
-
(fig.)
mangjâ o mangjuçâ:
a lassarin la cjase di Rose dopo vê becolât fin l'ultin fruçon di polente e cjucjât l'ultin got dal butilion (Roberto Ongaro, Il muc)
-
v.tr.
(fig.)
cjatâ ca e là, dâ dongje:
chei pôcs carantans che becolava ca e là, no bastavin nancja par la polenta (Federigo Comelli, Il me paîs)