Dizionari de Lenghe Furlane

côf  côf  [CO]

1. s.m. lûc dulà che lis bestiis si parin e dulà che a fasin i piçui e ju tegnin parâts:  lontan dal côf di chel sarpint (Pepi di Luise, L'anel de maghe Circe)
   Sin. cove , tane , buse , bûs
   
   1. lûc sierât li che si tegnin lis pioris di gnot:  il cjan ben governât / ti tignarà lontans il lari e l lôf / e el vuardarà da lôr insidiâ il côf (Zuan Josef Busiç, La Gjeorgjica di Virgjili)
      Sin. tamar
2. s.m. (fig.) lûc dulà che si dan dongje o che a stan paradis une o plui personis, soredut calcoladis in maniere negative:  chê sere istesse e plui tal indoman / e vie e vie si è svuedât el côf / di chê gjarnazie; el bon popul furlan / al à dreçât el cuel libar dal jôf (Pieri Corvat, El cuarantevot)
   Sin. cove
   
   1. cjase, jet o altro puest li che si sintisi sigûrs:  al striçave di neveâ, […] nissun pensave di issî dal côf se no jere sante scugne (Giovanni Gortani, Lant jù pe Tresemane)
      Sin. cove , cuç
3. s.m. soredut di une bestie, il fâ i piçui e il tignîju dongje par nudrîju e parâju:  la ultime dindie, che e veve sparagnât di vendi par metile in côf (Alviero Negro, Chel moscjo dal gno von)
   
   1. di ûfs, il stâ in cjalt o in cundizions protetis, di maniere che i piçui a puedin nassi ben:  viars la fin del mês [di Avrîl] si met in côf i cavalîrs (Giuseppe Ferdinando del Torre, Il contadinel. Lunari par l'an 1875)
4. s.m. cuantitât, soredut numerose, di fîs, sedi di personis che di bestiis:  cuant che al vignive vendût un vigjel o un côf di purzituts o ancje il prin caratel di vin, a lavin a parâ jù un pôcs di numars (Bepi Zampar, Canais di taviele)
   Sin. covade , niade
5. s.m. [TS] agr. grum no tant grant di fen seât di pôc e mieç suiât che si fâs tal prât, soredut par tornâ a sparniçâlu la dì dopo di maniere che al finissi di suiâsi:  al contave i grums di panolis e i côi di fen e i zeis di ue dai vignâi (Dino Virgili, La aghe da pît la cleve); parâ dongje il foragjo in premure e fâlu in côl, se al capitave il burlaç (Riedo Pup, No sin bogns di fâ fieste)
   Sin. côl , merlin , covon , marel

Polirematichis e espressions idiomatichis

• meti in côf loc.v.

Proverbis:

• cualchidun di un côf bisugne dâjal al lôf
• ogni lôf al à il so côf