Dizionari de Lenghe Furlane

tane  ta|ne  [AF]

1. s.f. buse, çondar plui o mancul profont che al covente di ripâr pes bestiis salvadiis:  un gri, a la lontane, / scuindût te sô tane, / che al cride dibant (Vico Querini, Matetâts); ancje el jeur fûr da sô tane / al cor fûr dut sbirlufît (Dolfo Zorzut, La furlane)
   Sin. buse , cove , tanâr , taniç
2. s.f. (estens.) puest, soredut ingjavât, dulà che si puedin cjatâ ancje robis che no sedin bestiis:  i fruts a tiravin daûr di lui e a imparavin adore lis scuindarolis de sgjardule, lis tanis dai foncs, lis oris cence difese dai uciei, lis venceadis dai crots (Maria Forte, Il vivi al è chel rangjâsi)
   Sin. cove
3. s.f. (fig.) ripâr ancje di personis:  cjasis e fabrichis a son vignudis sù, là che prime e jere la tane di chê intate [dai sassins di strade] (Josef Cjargnel, La caroce di aur di Sant Martin)
   Sin. cove
   
   1. il jet:  al corè indaûr tal jet, si ficjà sot de plete e al sierà i voi, involuçantsi cun chê di tirâsi intor dut il calôr da la tane (Amedeo Giacomini, Tal ospedâl)
   2. cjase o ambient o cjamare puare o sporcje o in disordin:  un fugarel cence flame che al jemplave par dut di une puce che si tacave intor e di fum che al faseve dulî i voi. Par chest jo no podevi viodimi in chê tane, e a pene che o podevi o scjampavi vie là di none (Pieri Menis, Il cuader de none); il studi de scuele dulà che al lavore. Scûr, plen di robis, une sorte di tane (Valentina Pagani, Il mestri dal orôr furlan)
   3. ambient li che e va une cierte sorte di personis:  co sunin in domo / di muart la cjampane, / la clape si sfante, / si svuede la tane [la ostarie] (Romeo Battistig (?), Ai Piombi); no saraio mighe capitât intune tane di mats (Raffaele Serafini, B123ST)

Polirematichis e espressions idiomatichis

• gjavâ un gri di tane loc.v.

Proverbis:

• al va a finîle mâl chel lôf che al à une sole tane
• la bolp no fâs mai mâl là che e à la tane
• la fam a fâs jessi il lôf de tane
• voli in tane, raze putane
• voli in tane: se no ti à ingjanât, ti ingjane