bissebove
/-ò-/
bi|sse|bo|ve
[CO]
-
s.f.
manifestazion atmosferiche violente, cun aiar une vore fuart e in câs ancje cun precipitazions, lamps e tons:
brusait ulîf che ven la bissebove! / Viodeiso chei ceons? / Siarait puartis, balcons, / brusait ulîf, che al zove… (Emilio Nardini, La bissebove);
nûi come montagnis, bas e sglonfs, che moment par moment a varessin scjafoiade dute la tiare; e saetis e tons di ogni bande; e bissebovis e sioneris di puartâ vie il mont (Alviero Negro, La tampiestade di Rivignan)
Sin. bovadice
, codebuie
, rogan
, seon
, sgoif
, straleche
, stravint
, bisson1
, buie
Var. bissabove
, bisseboghe
Cfr. temporâl2
, burascjade
, tristimp
, burascje
, burlaç
-
(fig.)
situazion di contrast violent o di barufe o cun consecuencis une vore negativis:
in chê volte [dal fassisim] si è discjadenade une altre bissebove plui furiose di prin. I prefets a mandarin la proibizion a dutis lis stampariis di publicâ ancje une sole rie di furlan (Josef Marchet, La nestre lenghe)
-
s.f.
(fig.)
persone che e je simpri in moviment, che no sta buine, che e tormente:
Tinut di Libro: une bissebove che nol stave fer un moment e a ducj al veve di fâ dispiets (Pieri Menis, Tinut di Libro)
Sin. taramot