benedizion
/-òn/
be|ne|di|zi|on
[AF]
-
s.f.
auguri o invocazion par che il ben al sedi cun cdn. o cun alc, par che al vedi buine fortune, par che al vedi la protezion di une entitât metafisiche e v.i.:
la mari [savût che la fie si maridave] i mandà scrit tune letare, che e jere tant contente, che i dave la sô benedizion e che i varès fat rivâ un grum di robe biele (Maria Forte, Cjase di Dalban)
-
invocazion rituâl che e clame la gracie e la benvolence di Diu:
fûr de cjase dal puar muart, tante int a spietâ che al rivàs il plevan e la crôs pe benedizion dal cadavar e par sierâ la casse (Angelo Covazzi, Al funerâl);
a rivavin fin da pie la crous indulà che il predi al slargjava la binidission sui vîfs e sui muarts (Novella Cantarutti, I cjans di not)
-
gracie divine, protezion di Diu:
salût ae compagnie e cheste cjase a sedi simpri in benedizion (Pieri Somede dai Marcs, Il prossim)
-
s.f.
(fig.)
persone, robe, element che al puarte ben, che al è une fortune:
i fruts a son la benedizion dal Signôr (Alviero Negro, Int di masnade);
dut ce che al garantìs puescj di lavôr al è une benedizion (Riedo Pup, La cjace e i laris)
Sin. baze
, bon fat
, fortune
, gubane
, lot
-
s.f.
(antifr.)
desideri che i vegni mâl a cdn., in câs ancje in forme di blesteme:
un consei de latarie […] se al viôt che nol torne cont a tignî vacjis, al decît di sierâ buteghe. Al massim al zonte cualchi benedizion al prefet (Riedo Pup, I furlans e la partecipazion)
Sin. bramazion
, maledizion
, corpo
, sacrament
, porco
Polirematichis e espressions idiomatichis