Dizionari de Lenghe Furlane

acet  /-è-/  a|cet  [FO]

1. s.m. di cdn., fâ jentrâ e tignî cdn. intun puest, spec. in cjase o intun lûc di assistence, o ancje intun grup, intune comunitât e v.i.:  Jacum, che nol spietave la visite, i à fat une fiestone, un acet calorôs (Angelo Covazzi, Il gnûf plevan); te cjase antighe ur fasevin un acet come a parintât viere e ju tignivin in taule come se a fossin stâts di famee (Dino Virgili, Cjase Basse)
   
   1. (fig.) di un puest, di une struture, il fat di ospitâ, di tignî, di jessi il spazi dulà che si dan dongje personis, dulà che si fâs une cierte iniziative:  la Scuele mosaiciscj dal Friûl […] ogni an e da acet a 50 arlêfs di dutis lis nazions dal mont (Oscar Puntel, Mosaic, une art furlane); [il Teatri Gnûf di Udin] al darà acet ae tierce edizion dal Festival de cjançon furlane (Erika Adami, Fieste de musiche in lenghe)
2. s.m. il fat di ricevi e di reagjî in maniere positive, o intune cierte maniere, a une situazion o a une domande, a une propueste e v.i.:  [il] president de Assemblee de comunitât linguistiche furlane […] al à denunziât la enesime injustizie e il fat che no si pues dâ acet a un test di cheste fate (Marc Stolf, Rai e furlan: la Italie e je «una e incorreggibile»); o volevi percepî l'acet e la disponibilitât dai insegnants par cheste novitât che e veve di deventâ la lenghe furlane a scuele (Adrian Cescje, Memoriis di politiche linguistiche)
3. adi. [BF] che al ven acetât o che al pues jessi acetât:  scrusignâ mangjative e cualsisei sbrudiot mai un fregul acet al bultric (Ivano Urli, Storie di Min)
   Sin. acetât¹ , acetabil , preseât

Polirematichis e espressions idiomatichis

• biel acet loc.s.m.
• bon acet loc.s.m.
• dâ acet loc.v.
• dâ biel acet loc.v.
• dâ bon acet loc.v.
• dâ il biel acet loc.v.
• dâ il bon acet loc.v.
• fâ biel acet loc.v.
• fâ bon acet loc.v.