Dizionari de Lenghe Furlane

dâ il bon acet    [CO]

1. loc.v. dâ ospitalitât
   Sin. dâ bon acet , dâ biel acet , fâ bon acet , fâ biel acet , fâ acet , dâ acet , dâ il biel acet
   
   1. cjapâ cdn. intune comunitât:  no sin tant ors come che a disin. Une volte rote la glace, la int di ca e sa dâ il bon acet al forest (Alan Brusini, Gian Paolo Linda, I forescj)
2. loc.v. acetâ, ameti, cjapâ par bon alc, soredut une propueste, une domande, une segnalazion e v.i.:  di chê volte, tal 1947, i son volûts altris 52 agns par che, finalmentri, tal Dicembar dal 1999 il Parlament talian al des il bon acet ae leç n. 482 pe tutele des minorancis storichis di Italie (Arnalt Baracêt, La Italie e je simpri stade multietniche)
   Sin. dâ bon acet , dâ biel acet , fâ bon acet , fâ biel acet , fâ acet , dâ acet , dâ il biel acet

Components:

• acet s.m., adi.
• bon adi., s.m., inter., av.
• dâ v.tr., v.intr.