Dizionari de Lenghe Furlane

a pâr di    [CO]

1. loc.prep. par introdusi un complement di lûc, cun sens di prossimitât e di posizion laterâl:  cun lui a pâr de musse o vin scugnût fâ la strade a pît (Pieri Somede dai Marcs, Fra Silvio); cuant che e passave o cjapavi sù la biciclete e pedalant par cjapâle, a pene a pâr di jê i dîs: "Bundì signorine […]" (Mario Beltramini, Jo e Graziella)
   Sin. a ret di , dongje , dongje di , in bande di
   
   1. ancje cun sens di nivel jerarchic, di valôr, di valutazion e v.i.:  se in Friûl a fasessin un referendum sui sants; sui sants plui benvolûts, plui spietâts, plui bramâts … si po stâ sigûrs che nancje sante Catarine no rivarès a stâ a pâr di sante Luzie (Riedo Pup, I furlans e Sante Luzie); la dignitât e la cualifiche di lenghe a pâr di dutis lis lenghis (Antoni Beline, Il part da la Italie democratiche e antifassiste)
      Sin. a nivel di , ae altece di , dongje , dongje di
2. loc.prep. par introdusi un paragon, cun sens di someance:  la Italie, a pâr di ducj i stâts nazionâi, e à sielt di doprâ la scuele par asservî i cjâfs dai talians (Antoni Beline, Une scuele pai furlans)
   Sin. come¹ , tant che , sicu , compagn che , compagn di

Components:

• pâr² adi.inv., s.m., s.m.inv.