Dizionari de Lenghe Furlane

pâr²  pâr  [FO]

1. adi.inv. di un numar, che si pues dividilu par doi:  i mieçs no catalitics no podaran circolâ, chei catalitics invezit a podaran zirâ dome se a àn la targhe cul ultin numar pâr (Redazion Radio Onde Furlane, Vinars trafic limitât a Udin)
   
   1. s.m., s.m.inv. numar naturâl divisibil par doi, ancje intindint cualsisei di chei numars, spec. tai zûcs:  lis cjasis cui pârs a son di une bande de strade, chês cui dispars di chê altre bande; zuiâ dut sul pâr
2. adi.inv. che al è compagn di numar o di valôr o di grandece:  un studi fat fâ di Fvg strade intal 2010 al contint che il trafic orari di mieçs pesants al è pâr a 669 unitâts par ore (Redazion il Diari, La tiracje di aur di Dignan)
   Sin. avuâl , compagn , pareli , stes
3. s.m., s.m.inv. cui che al è dal stes nivel o grât o fasse sociâl:  un conflit feudâl […] che al viodeve un re francês, prin tra i pârs, cuintri dal re di Ingletiere che al jere ancje un so vassal (Fabian Ros, La invenzion dal stât)
   Sin. compagn
   
   1. stes nivel o grât o stesse fasse sociâl:  che e convinci sô fie a lassâ stâ gno fi, che al è destinât a une dal so pâr (Alviero Negro, Int di masnade)
   2. robe che si somee o che e je dal stes nivel:  la continuitât de esperience creative des "Feminis dal bosc" no à il so pâr in tiere furlane (Erika Adami, Art che e nas de nature e e torne ae nature)
4. s.m., s.m.inv. [TS] stor., polit. in Ingletiere, membri de Cjamare Alte, chê dai Lords

Polirematichis e espressions idiomatichis

• a pâr loc.av., loc.adi.inv.
• a pâr di loc.prep.