Nord
/-ò-/
Nord
[FO]
-
s.m.sing.
pont cardinâl segnât de stele polâr e direzion che i corispuint:
la val strete de Seace e taie lis Prealps Cjargnelis di Sud a Nord (Francesco Gobbo, Gjeologjie e paleontologjie ator di Preon);
jo i dîs di cjapâ la strade statâl bande Nord e lui mi cjale come se o fos un mat, no savint nancje dulà che al è il Nord (Checo Tam, Sense)
Sin. insù
, miezegnot
, setentrion
, sù
, tramontan
, tramontane
-
s.m.sing.
la part plui setentrionâl di une zone:
il prin nucli agricul popolât di un grup avonde grues di contadins furlans al è nassût no tant lontan di Reconquista, tal Nord de provincie di Santa Fe (Javier Grossutti, La emigrazion dal Friûl - Vignesie Julie in Argjentine e in Uruguay)
Sin. setentrion
-
zone setentrionâl rispiet a un contest che si capìs dal discors, che par esempli al pues riferîsi ae Italie, ae Europe, al mont:
al cjalave no dome a Vignesie o a lis regjons dal Nord, ma a dute la Italie (Giovanni Pillinini, Zuan Batiste Cavedalis - Une vite esemplâr);
l'unic mascjo al veve un lavôr intune industrie europeane dal Nord (Carlo Sgorlon, Ombris tal infinît);
une rispueste a lis causis dal sotsvilup e de divaricazion cressinte fra il Nord dai siôrs e il Sud dai biâts (Buteghe dal Mont, Luche Nazzi, Guide par un consum just e solidâl)
-
tant che riferiment in diviers nons gjeografics:
Bobby Sands si cjate a fâ i conts adore cul regjim di discriminazion e di violence che la comunitât nazionaliste irlandese e patìs in Irlande dal Nord (Carli Pup, Teritoris - Oms di Libertât);
[il fonc che al cause la peronospore] al è rivât tal 1878 dal Nord Americhe in France dulà che al à fat grant dam (Enrico Peterlunger, Lis varietâts di vît resistentis a lis malatiis)
-
adi.inv.
che al è orientât o posizionât de bande setentrionâl:
i mosaics plui antîcs de aule Nord [de Basiliche di Aquilee], chei di grant valôr artistic, no si pues incuadrâju intune suaze storiche culturâl latine o latine cristiane (Giovanni Battauz, Flavio Cossar, Renato Iacumin, I mosaics de basiliche di Aquilee);
a cjaminin sù e jù par un troi de bande Nord dai Pireneus, come doi escursioniscj (Spirt Anonim, Iñaki e Aitor)
Sin. setentrionâl
, tramontan