tramontane
/-tà-/
tra|mon|ta|ne
[AF]
-
s.f.
pont cardinâl in oposizion al meridion, segnât de spere de bussule e che si pues individuâ cjalant lis stelis dal Cjar Piçul:
al veve plovût a selis dute la buinore, e nome viars misdì si jere salustrât a tramontane, che cumò si viodeve Morùs (Alan Brusini, Par stradis lungjis);
al jere, tal mieç de plane furlane, passe vincj miis a tramontane [di Aquilee], un piçul cuel bessolin (Josef Cjargnel, Il cjistiel di Udin)
Sin. Nord
, setentrion
, miezegnot
, tramontan
-
s.f.
aiar che al sofle di Nord:
al ploveve come che al plûf a Biliris tor Sants, e la tramontane e sivilave di tant in tant jù pe nape (Meni Ucel, La ombrene);
la tramontane e sivile par jenfri dai pôi su la aghe (Dino Virgili, La aghe da pît la cleve)
Sin. tramontan
-
s.f.
(fig.)
pont sigûr di riferiment:
si son cjatâts scunîts e cence tramontane, come navigants che, salvâts di une nâf afondade, si cjatin par câs, nûts e crûts, suntune isule tal mieç dal mâr (Pieri Menis, Chei di Muraie)
Polirematichis e espressions idiomatichis