tramontan
/-àn/
tra|mon|tan
[AF]
-
adi.
che al è a Nord, che al ven di Nord, che al è de bande Nord:
sentinelis eternis dal mont latin cuintri la barbarie tramontane (Josef Marchet, La torce de civiltât)
Sin. setentrionâl
-
s.m.
pont cardinâl che i corispuint ae stele polâr:
sintîso ce sussûr? / Siroc bat il tambûr. / Eco che il firmament / si fodre intun moment / di nûi e sorenûi: / ce diaul di batibui! / A tramontan l'è scûr… / Sintîso ce sussûr? (Pieri Çorut, La tempieste);
une biele tabele cu la ponte voltade a tramontan e cu la scrite «Austria» (Riedo Pup, No impaçâsi)
Sin. Nord
, tramontane
, setentrion
, miezegnot
-
s.m.
aiar frêt e sut che al sofle di Nord:
par trê dîs dilunc e a sbalçs e jere colade la nêf sbatude, mulinade, sfarinade e ingrumade de buere e dal tramontan che, businant scjadenâts, a scombatevin tra di lôr furiôs (Pieri Somede dai Marcs, 11 di Fevrâr 1929);
al tirave un tramontan rabiôs che al sivilave jenfri i ramaçs dai arbui (Carlo Sgorlon, Prime di sere)
Sin. tramontane
Proverbis:
- siroc e tramontan a menin vin e pan, buere e garbin a cjolin pan e vin