miezegnot
/-òt/
mie|ze|gnot
[AF]
-
s.f.
ore vincjesime cuarte de zornade che e segne la fin di une dì e il principi di chê daûr:
ducj e duarmin. Inte strade / un lampion al romp el scûr; / miezegnot e je passade, / no si sint nissun sussûr (Pieri Corvat, L'orloi dai nonos);
al jere tornât dongje dopo miezegnot, cjoc disfat (Pieri Menis, Une letare par Bepo)
Cfr. miezenot
-
segnâl dât di un orloi o des cjampanis e che al segne chê ore:
a passin lis undis, e bat miezegnot (Pieri Somede dai Marcs, Lis votazions)
-
s.f.
[BF]
Nord, direzion o pont cardinâl contrari al meridion:
la mont simpri plene di nêf e di glace che e sierave la val in direzion di miezegnot e di soreli jevât (Carlo Sgorlon, Il dolfin);
chê galarie e leave doi paîs svuizars, al disè l'operari, un a misdì e chel altri a miezegnot des montagnis dal Sant Gotart (Agnul di Spere, Fieste di inaugurazion)
Sin. Nord
, tramontane
, setentrion