vuestri
/-é-/
vues|tri
[FO]
-
adi.poss., pron.poss.
di voaltris:
cuant che Bertin e la Marceline a partirin, lui ju benedî e ur ordenà: "Mi racomandi, fait il vuestri dovê" (Maria Forte, Cjase di Dalban);
o sês zovins, Guri, o vês la vuestre strade, al è il vuestri moment (Dino Virgili, La aghe da pît la cleve)
Cfr. to
, so
, nestri
, gno
, lôr2
-
ancje cun iniz. maiusc., tes formis di cortesie, di vô:
"Us puarti i salûts dal vuestri om e cheste letare" (Gianni Gregoricchio, Trê feminis);
ancje se e fos vere, no us sta a vô, che o sês nassût e cressût culì, di meti a mâl il vuestri paîs (Josef Marchet, Lis predicjis dal muini)
-
cui nons di parintât al inibìs la presince dal articul definît, simpri tal singolâr e dispès ancje tal plurâl:
"Cuant che o lavorais cun vuestri fradi e vuestri pari, no stais cu lis mans insom dal mani, vô, Tavin… - Cuant che al è di lavorâ, bigne dâi sot" (Dino Virgili, La aghe da pît la cleve);
la ligjitima di vuestri sours comedaitla in bêçs, come che i cjatareis scrit e che a restin paroni in cjasa fin che a na si maridin (Novella Cantarutti, I cunfins)
-
se nol è ancje l'articul definît, il possessîf si met dopo dal sostantîf "cjase":
cence rivuarts, dai!, come che o fossis a cjase vuestre! (Dino Virgili, La aghe da pît la cleve)
-
l'ordin normâl che al previôt la posizion dal possessîf denant dal sostantîf, al pues jessi invertît ancje in ciertis locuzions tipichis o par resons di enfasi o di stîl:
par colpe vuestre, cuissà cetant timp che mi tocjarà patî tal purgatori (Pieri Menis, Lis leiendis di Buie);
«Ben, coragjo; e fiducie in Diu. O savês pûr ce che al dîs il Signôr tal Vanzeli: "Cjalait i uciei dal aiar che no semenin, no sein, e no ingrumin sul cjast; e il Pari vuestri dal cîl ju nudrìs"» (Meni Ucel, La visite dal vescul)
-
s.m.
dome sing., ce che al è di proprietât, in possès, tal interès o di competence di voaltris o di Vô:
"No mi cridais pûr no, Clevis, se o passi sul vuestri" (Dino Virgili, La aghe da pît la cleve);
"Tignît lis mans sul vuestri" i zigà (Maria Forte, Mabile la Lunghine)
-
tal pl., i bêçs:
se o podês, scomençait [la ricostruzion] cui vuestris (Francesc Placerean, In non di Diu scomençait!)
-
s.m.
tal pl., la vuestre famee, in particolâr i vuestris gjenitôrs:
"No, no… I vuestris no si intrigavin mai […] Dome cualchi volte si viodeve to barbe Checo che al stave a scoltâ […]" (Maria Forte, Il tei)
-
s.m., pron.poss.
tal pl., la compagnie, il grup, il partît, la fazion e v.i., di voaltris o di Vô:
a àn tes mans un cuatri, cinc dai vuestris… cjapâts pe strade e intai passons (Alviero Negro, Int di masnade);
ancje jo che o soi un dai vuestris in fonts, che o soi vonde dongje di chi (Francesc Placerean, La vite no je cuintriposizion di valôrs ma armonie di realtâts complementârs)
-
s.m.
(enf.)
la persone stesse che e fevele di se cuntune seconde persone plurâl, reâl o ipotetiche o di finzion leterarie:
se o pensais, cjaris colombutis, che il vuestri al sedi cussì figot di molâ sù dut nome par une gramolade sul cjâf, al vûl dî che no mi cognossês vonde ben (Sandri Di Suald, Ah! la provincie)
-
adi.poss., pron.poss.
in forme sostantivade o cul sostantîf sotintindût, tal f.pl., lis vuestris ideis, peraulis, azions e v.i., soredut se a son baronadis o strambariis