Dizionari de Lenghe Furlane

von  /-ò-/  von  [FO]

1. s.m. pari di un dai gjenitôrs:  si diseve il rosari, che lu tignive sù il von (Meni Ucel, Rosaris); gno pari al jere Checo Scuete, fi di gno von Toni, che il sorenon di Scuete jal vevin tirât fûr a lui, parcè che al lave a comprâ la scuete pes cjasis (Josef Marchet, Lis predicjis dal muini); "Nô, nestris paris, nestris vons… O vin lassât il cûr culì […]" (Dino Virgili, Il cûr te tiare)
   Sin. nono
   Var. avon²
   Cfr. ave¹
2. s.m. spec. tal pl., cui che al à vivût tes gjenerazions prime:  i nestris vons furlans a forin simpri de bande dal imperadôr cuintri i Comuns talians (Josef Marchet, Lis predicjis dal muini); a ardin insom dal timp i fûcs antîcs dai vons celtics (Dino Virgili, La aghe da pît la cleve)
   Sin. basavon , strabasavon , vecjo , vieli

Proverbis:

• il pecjât dal von, il nevôt lu compon