Dizionari de Lenghe Furlane

vignî a jessi    [AF]

1. loc.v. sucedi, capitâ, inverâsi:  al ven a sei che un princip al passe di chês bandis (Andreina Nicoloso Ciceri, Blancje come la nêf - Racconti popolari friulani I)
   
   1. scomençâ a esisti:  «La cjase che e vignarà a sei propit sul cjanton tra une "avenida" e une "calle" e sarà un capitâl sigurât pai nestris fruts, pe nestre vecjaie» (Lucio Perès, Il mâl dal mûr)
   2. jessi intune cierte situazion, cundizion, funzion e v.i.:  cheste simbiosi jenfri iar e vuê e ven a jessi il fîl condutôr di dute la storie di fantasie (Laurin Zuan Nardin, Viaç a strichis te storie di Manzan)
2. loc.v. in espressions che a introdusin une ecuivalence, une esplicazion o une esemplificazion:  e cheste cjacarade e je stade fate da cualchi furlan di chei che si jerin simpri mostrâts contraris a restâ sot di Vignesie. Al vignarès a jessi: sot di Vignesie no, ma sot di Triest sì. Cui sa parcè mo? (Josef Marchet, Sot di nissun); pai mûi la leç e jere: «mucite e no crizate», che al ven a jessi: ubidî e tasê (Pieri Menis, La gjaline robade)
   Sin. vignî a stâ , vignî a stâi
   Cfr. al vâl a dî , al ven a stâi , ven a stâi , come dî , o ben , o sedi , o vêr , tant a dî , ven a jessi , vâl a dî

Components:

• jessi¹ v.intr., v.aus., s.m.
• vignî v.intr., v.aus.