Dizionari de Lenghe Furlane

vierzi la strade    [CO]

1. loc.v. fâ une strade gnove:  [il cont Cecon] al è chel che al veve fat une specie di cjistiel, che al à vierte la strade di Sant Francesc (Francesc Placerean, La nestre storie)
2. loc.v. liberâ un passaç:  Tori al scjavaçà cu la manarie doi ramaçs [de cise] par viarzi la strade e al fasè passâ Angjeliche (Dino Virgili, Devant di dut il cîl)
   Sin. fâ strade
3. loc.v. (fig.) dâ ocasion di tacâ a fâ alc:  chest fevelâ di debits al vierzè la strade a Rose par fâ chel discors che no saveve cemût tacâ (Roberto Ongaro, Il muc)
4. loc.v. (fig.) fâ che un obietîf al sedi clâr e individuât, che si tachi a cirî di otignîlu, soredut inviant une azion e dant l'esempli:  il lavôr lu àn scomençât i frutats di tierce, ma ju vevi visâts che no saressin rivâts insom intun an, e che, dopo vê vierte la strade, a varessin vût di passâ in ereditât la vore ai lôr compagns plui zovins (Dario Chialchia, Diari di un progjet didatic: etnografie par furlan te scuele)
   Sin. fâ ferade , lassâ ferade , segnâ il troi , vierzi il troi , segnâ la strade

Components:

• strade s.f.
• vierzi v.tr., v.intr.