Dizionari de Lenghe Furlane

fâ strade    [AF]

1. loc.v. lâ indevant, fâ une cierte distance lant di une bande a chê altre:  al si menà là che lu spietava so pari e montant ne la barcjuta ancja chist, cjaparin un rem paromp, e vogant ferin strada (Federigo Comelli, Il me paîs)
   
   1. (fig.) lâ ben, vê bogns risultâts:  Titute duncje al jere une promesse, al veve ducj i numars par fâ strade e par chest Carlin al veve pensât di cjolilu cun lui, te fabriche (Pieri Menis, Chei di Muraie); il gjornâl «Patrie dal Friûl» al nassè par chel. Al jere il cricâ dal dì de cussience etniche e politiche furlane. Al varès podût fâ strade se nissun si fos impensât di copâlu di piçul. Ma il vescul di Udin al fasè capî ai predis che a vevin di tignî sù la democrazie cristiane (Francesc Placerean, Cuintristorie dal Friûl dal 1866 fint in dì di vuê)
      Sin. lâ indenant , lâ indevant
2. loc.v. (ancje fig.) fâ ce che al covente par fâ passâ cdn., lassant puest libar o sburtant vie altris o gjavant impediments:  in chel si sintì di colp lis sirenis dai autos de polizai. A scomençavin a rivâ lis personis pardabon impuartantis, si veve di fâur strade (Agnul di Spere, Fieste di inaugurazion); al comparìs un grant bosc plen di plantis di baraçs. "Oh" e dîs la fantate "cemût rivarino a passâ fûr di chi?" Il zovin al va devant e jê daûr, e cu la spade al fâs strade a ducj i doi, e po vie a galop (Andreina Nicoloso Ciceri, Blancje come la nêf - Racconti popolari friulani I)
   Sin. fâ lûc , fâ larc , fâ puest
3. loc.v. (ancje fig.) judâ cdn. a cjatâ la strade juste, a no pierdisi:  e jere lade a fâi strade cul ferâl (Maria Forte, Cjase di Dalban)

Components:

• fâ v.tr., s.m., v.intr.
• strade s.f.