Dizionari de Lenghe Furlane

fâ puest    [CO]

1. loc.v. fâ che une estension di spazi e sedi libare, a disposizion:  al parà in bande lis cjicarutis che il camarîr al veve a pene poiadis sul taulinut, al fasè puest pai sfueis che al veve in man (Jolanda Mazzon, Fûr di timp)
   Sin. fâ lûc , fâ place
   Cfr. fâ strade
2. loc.v. lassâ il propri puest, soredut tant che sente, a cdn. altri o preparâ un puest dongje dal so par cdn. altri:  Dreine e disè su la puarte: "Velu ca, mo…" cu la man su la spadule di Guri, e Lanzin al butà in bande il gjornâl, i fasè puest dongje di se su la poltrone (Dino Virgili, La aghe da pît la cleve)
3. loc.v. (fig.) fâ che al sedi libar o disponibil alc che nol è spazi fisic, ma che al pues jessi costituît di oportunitâts professionâls, libertât psicologjiche o sentimentâl, pussibilitât di azion, funzion e v.i.:  e je vignude la smanie di lassâ intun cjanton i citadins brâfs e inteligjents, par fâur puest ai forescj (Guido Antonioli, Florean dal Palaç, I, 1); il tuart al è cuant che si bute in bande la peraule furlane par fâ puest a une foreste (Josef Marchet, Fevelâ ben)
   Sin. fâ lûc , fâ place
   Cfr. fâ strade

Components:

• fâ v.tr., s.m., v.intr.
• puest¹ s.m.