vernîs
ver|nîs
[CO]
-
s.f.
licuit trasparent o colorât che si da sù e che suiantsi si indurìs e al forme un strât protetîf:
tal capanon i aspiradôrs a smondeavin l'aiar dal odôr di vernîs (Mario De Apollonia, Il timp par ledrôs);
e chest pâr di scarpins / che lusin di vernîs / e mi strenzin i pîts (Emilio Nardini, La Signorine Mie)
Cfr. lache
-
s.f.
(fig.)
aspiet esterni, aparence, pal solit biele, che e pues jessi diferente de sostance:
a jerin aromai secui che la maraveose citât e platave, sot la vernîs des sôs pieris e dai siei carnevâi cence fin, une vecjaie che i roseave i vues e i faseve fraidessi la polpe (Josef Marchet, Cuintristorie dal Friûl fin sot la Italie)
Cfr. scusse
, piel
, parence
, aparence
, muse1